Khawzawl district-a tomato ching nasa khaw pahnih – Tualte leh Chawngtlai chuan an tomato thar an hralh mek a. Kumin April atanga July 8 thleng khan quintal 1800 chuang an hralh tawh.
Thudawn danin, Tualte khua tomato chingtute hian kumin April thla chho atang khan tomato an thar tan a; kumina tomato an hralhna rate hi a hniam lai berin kg. ah Rs.45 niin, a san lai berin Rs.145 a ni. Tualte tomato chingtute hian April atanga July 8 thleng khan quintal 1800 vel an hralh tawh a; kumin hian quintal 15000 atanga 17000 inkar thar theih an inbeisei.
Chawngtlaiah pawh chhungkaw 50 velin tomato hi chingin, June thlatir atang khan an seng tan a; June atanga July 8 thlenga tomato an hralh hi grade-A quintal 28 leh grade B quintal 9 a ni. Grade A hralhna rate hi Rs.105 atanga Rs.110 a ni a, grade B hralhna rate hi Rs 55 atanga Rs.60 inkar a ni.
Hetihlai hian Khawhaia tomato chingtute chuan an phun tlai deuh avangin tunkar tawp lam hian a thar hmasa ho lawh tan an inbeisei tih sawi a ni a. Khawhaiah hian chhungkaw 60 velin tomato an ching.
Tualte leh Chawngtlai tomato thar hi Aizawl, Lunglei, Serchhip leh Champhai lamah an hralh nasa a. Tomato chingtute sawi danin, kumin hian hralhna tur khaih lak an la nei lo a ni.
Tomato qtl 1800 hralh tawh
Get real time updates directly on you device, subscribe now.
Next Post