Union Public Service Commission hnuaia prelims paltlang, mains exam hmachhawn turte chu Mizoram Youth Commission-in test series atana an mamawh apiang a leisak anga, kartin test a neihpui thin dawn.
UPSC prelims exam paltlang Mizo thalai 8 zinga Aizawla awm remchang pahnih – KC Zalena, MCS leh Vanthangpuia, Nursery Veng chu sawm an nih angin Nilaini khan Mizoram Youth Commission chairman Malsawmzuala Ralte office-ah an leng a, chairman bakah secretary leh under secretary ten an lo dawngsawng.
‘MYC Mission UPSC’ hnuaiah heng Mizo thalai prelims tlingte hi a tul ang apianga hma lakpui a, tanpui nise tih a nih angin, MYC chuan UPSC Mains exam atana an inbuatsaihna turah test series an mamawh apiang a leisak anga, a remchan danin kartawpah MYC office-ah test an nei thin ang.
Mizo thalai prelims paltlang la in report lote chu MYC office-a inhriattir turin an ngen bawk.
UPSC Mains hmachhawn tur kartin test neihpui thin dawn
Get real time updates directly on you device, subscribe now.
Prev Post
Next Post