Congress ten sorkar chhanna phut

Congress te chuan Budget pharh tur chuan fundamental question eng vangin nge private investment a tlakhniam zel tih leh eng vangin nge private consumption in hma a sawn loh tih zawhna chu a chhang ngei tur a ni tia sawiin economic growth chuan hmasawnna thlenin hna tam tak siam a ni tia sawi chu Congress party chuan a pawm lo an ti bawk.
Union Finance Minister Nirmala Sitharaman chuan July 23-ah Budget for 2024-25 a pharh dawn a ni.
Congress general secretary, in-charge communications, Jairam Ramesh chuan, “Non-biological PM cheerleader leh drumbeater te chuan economic growth nasa taka awmin hna tautet siam a ni an ti a. Chu chu thudik ni se engvangin nge private investment, economic growth lansarhna ber chu che mang lova awma April-June 2024 phei chuan kum 20 chhunga a hniam ber lai a tawn si? Eng vangin nge private consumption, economic growth engine ber pawh high end bikah tih loh chuan sanlam a pan miah si loh?” tiin zawhna a zawt a.
“Household saving in a hniam ber lai tawng mekin household debt in a san ber lai a tawng mek bawk si hi eng vang nge? Rural wages a tlahniam char char hi eng vang nge ni a, eng vangin nge national income wage share a tlakhniam?” tiin a sawi bawk a.
GDP atanga manufacturing share chuan eng vangin nge a tlakhniam ber lai a tawn a, a tlakhniam belh zui mek zel? Eng vangin nge tun hnai kum sarih chhungin informal sector in hna 17 lakh a hloh? Eng vangin nge unemployment-in kum 45 chunga a san lai ber a tawn a, graduate tir unemployment 42% a nih? tiin Congress general secretary chuan zawhna a siam bawk a.
“Heng fundamental question te hi tun budget pharh turah Finance Ministerin non-biological PM a fak chul leh rualin chhanna siam ngei ni rawh se?” tiin Ramesh chuan a sawi bawk.
Ningani khan BJP te chuan tun hnai kum 10 chhungin Modi sorkar chuan hna 12.5 crore an siam tia sawiin kum 2023-24 chhung bikah hna 5 crore siam a ni an ti bawk.