NEET-UG ah rinhlelhawm lailang zel

Supreme Court thupek anga National Testing Agency tena candidate 23,33,162 undergraduate medical entrance examination score tihchhuah NEET-UG 2024 resul zirchiannaah zirlai mark sang ber ber hmu te chu State leh khawpui tihbika centre-ah an buk bik tih hmuhchhuah a ni.
Candidate tena percentage sang tak 650 chuang an hmuhna NEET-UG exam centre 50 zinga 37 chu Rajasthan a Sikar district chhunga awm a ni. Mark 650 chin hmu candidate chuan government medical college-ah admission an hmu dawn a ni.
“Zirlai mark 650 chunglam hmu 30,204 te hian ngaihhlut em em sorkar medical college hnuaia MBBS seat 20,000 an inchuh dawn a, Sikar bikah hian mark 650 chunglam hmu candidate 2,037 lai awn awm a. Hei hi CBI ten an chhui chian ngei a ngai” tiin Krishan Sharma, haryana atanga candidate lungawi lo hringtu pa chuan a sawi a. Dr Sharma hi NEET-UG 2024 paper leak case Supreme Court a petitioner zinga tel a ni.

Cluster lian
Sikar centre-ah NEET-UG exam zirlai 27,216 an awm a, chuta tanga 2,037(7.48%) te chuan mark 650 chuang an hmu a ni. “Sikar atanga zirlai percentage hmu sang hi a turu tawp. 650 mark chunglam hmu National average chu 1.29% a ni a, he cluster hi chhuichian ngai a ni,” tiin Dr. Sharma chuan a sawi.
Zirlai mark 650 chunglam hmu pha zirlai 6,697 chu Rajasthan examination centre atanga inziak te an ni a. Mark 650 chunglam hmu dang zingah Uttar Pradesh atangin candidate 3,387, Kerala atangin 2,835, Maharashtra atangin 1,582, Tamil Nadu atangin 1,519, Haryana atangin 1,422, West Bengal atangin 1,406, Karnataka atangin 1,406, Bihar atangin 1,369 leh Delhi atangin 1,326 an awm a ni.
CBI te chuan Bihar, Delhi, Haryana leh maharashtra-a paper leak case te an chhui chiang mek tawh a, hei bakah hian mark hmuhsan bikna cluster te pawh an chhui chiang bawk.

Tihthat bikna
Rajkot a R.K. University Unit-I School of Engineering centre a zirlai exam 1,968 zinga zirlai 12 te leh Ahmedabad centre-a Delhi Public School atanga zirlai 670 exam zinga 12 te chuan mark 700 chuang an hmu bawk a, heng centre pahnih hi an langsar nalh bawk.
Vivek Pandey, RTI activist darta analyse tu chuan Haryana-a Rewari-a Delhi Public School-a candidate 264 atanga 22.73% chuan 600 mark chunglam an hmu a, Haryana veka Mahendragarh a Rao Pahlad Singh Senior Secondary School centre a candidate 448 zinga 20% in mark 600 chuang an hmu bawk a ti a. “Rewari hi khaw te reuhte a ni a, tichunga zirlai tizatin top marks an hmu hi a mak a ni,” tiin Dr. Pandey chuan a sawi.
“Jharkhand-a Oasis school-a zirlai exam 23 te chuan 600+ mark an hmu bawk a. He centre hi paper leak hmun a ni” tiin Dr. Sharma chuan a sawi a. He school principal leh vice-principal te chu CBI ten an man tawh bawk.
Dr. Sharma chuan candidate tena mark an hmuhsanna hmun bik te Haryana, Rajasthan leh Gujarat te bika NEET-UG data 2023 kha Supreme Court hian mipui hriatah phochhuah tir se a finthlak ang, tichuan kumin examination nen khaikhin theihin a awm dawn a ni, a ti bawk.
Patna-ah pawh paper leak case ziah luh ni tawhin, DAV BSEB centre-ah zirlai 703 atangin 21-in mark chuang an hmu a, mark 650 chuang hmu 10 an awm bawk. Patna-ah tho hian Kendirya Vidhyalaya centre ah candidate 698 zingah 31 in mark 600 chuang hmu awm bawkin, 650 chunglam hmu 11 an awm bawk. Patna-ah tho JD Women’s College centre a exam 1,160 zinga 55 in mark 600 chuang hmu in, 650 chuang hmu 17 an awm bawk a ni.