ECONOMICS & STATISTIC DEPARTMENT : QUOVADIS?

ZD Lalvunga

Hun engemaw atang tawh khan, Economics & Statistic Deptt. hi thawktu indaih loh avangin an buai hle tih hriat a ni a. Tunah hian, Mizoram State-a District pathum hawn belh, Khawzawl, Saitual leh Hnahthial-ah te chuan, Economics & Statistic Deptt. chuan, Office an hawng tawh a, chutih rual chuan, office hnathawktu tur post pakhat mah siam (create) a la ni lo va. A nihna takah chuan, Directorate Staff leh District dang office staff ten a remchan dan ang angin an hmui/ tungnung hram hram a ni ber.
He Deptt. hi a pawimawhin Central-in Mizoram ‘Data’ an thlirna ber tur leh kan dinhmun phochhuahna ber tur a ni bawk a ni. Tunah hian Economics & Statistic Deptt. hian Inspector-Post hi 122 Sanction Post-ah Post 53 neiin post ruak hi 69 ngawt an la nei a. Sub Inspector hi 68 Sanction post-ah post 8 chauh hnawhkhat in, post 60 tehmeuh mai post ruak an la nei a. Tin, Field Assistant post hi 23-ah post 6 chiah fill-up niin, post 17 zet hi ruak (Post vacant) a la awm bawk a ni.
Hetiang hi an dinhmun chu a ni a, sorkar pawh hian a ngaihsak vat a rinawm a, kan C.M. ngei pawhin “Special Category State” kan nih anga Special Package-siamsak tura a dil dawn thu Dt. 19th July khan “Zoram Research Foundation (ZRF) leh Aijal Club tangdunin Symposium on State Finance Issues and Challanges” tih thupui hmangin sorkar sum kaihhnawih sawihona ah, C.M khan state dangte aia bul kan tan tlai bakah, Central atanga state tinte dawn thin, “Post Devolution Revenue Deficit Grant” chu kum tina a tlem tial tial thu a sawi rualin, hetiang thil hi ni mah sela, tuna Economics & Statistic Deptt. post vacants ho ang lek hi chu kan C.M hi chuan tih thulh/ tih harsat phah nan chuan a hmang lo tawp ang tih thu dawn a ni bawk.