Indian Super League 2024-25 season thar \an hun September 13

Indian top flight Indian Super League (ISL) 2024-25 season tan hun tur tihchian a ni ta a, September ni 13, 2024, Zirtawpni khian official-a league khelh tan a ni dawn a, official-a season liamta tawp ni May ni 4 atanga chhiara a ni 132-na chiahah season thar hi an tan dawn a ni.
April ni 15, 2024, Thawhtanni khan Kolkata khawpuia Salt Lake Stadium-ah ISL 2023-24 league match hnuhnungber khelh niin, he season kharna inkhela Mumbai City FC hnehtu Mohun Bagan Super Giant chuan an kawtkai ngei maiah Indian Super League 2023-24 League Shield an dawng.
Defending champion ni chunga season thar bul tan tur Mariners hian season liamta khan point 48 hmu chungin a vawikatna atan League Shield an hlawhchhuak.
Mumbai City FC chu reigning ISL Cup Winner ni ve thungin, season liamta ISL Cup final-ah khan Mohun Bagan Super Giant hi 3-1-in an hneh ve thung a, an Cup title pahnihna a ni.
ISL 2024-25 season-a match zawng zawngte hi Sports 18 lamah live-a pekchhuah a ni dawn a, Jio Cinema lamah live streaming beisei tur a awm bawk ang.