MSCPCR hotuten Home tlawh

Tualchhung
29 0

Mizoram State Commission for Protection Child Rights (MSCPCR) chairperson Jimmy Laltlanmawia leh member-te chuan Zirtawpni khan Special Home leh Observation Home Durtlang an tlawh a. Home superintendent-te leh thawktuten an lo dawngsawng.
MSCPCR chairperson chuan an Home tlawh chu chairperson leh member tharte fehchhuahna hmasa ber a nih angin, inhmelhriatna ni pahfawmin dan nena inrem loa naupang chete enkawlna hmunhma enkual tura kal an ni tih a sawi.
Tunah Home-ah hian mipa awmna – Special Home ah naupang 18 an awm a; mipa Observation Home-ah naupang 8 an awm. Hmeichhe Special Home leh Place of Safety-ah naupang 8 an awm mek.
Observation Home leh Special Home-a awm naupangte nen MSCPCR hotute hi an inkawm a. Naupangten an chhuah huna nunkawng tha an zawh zel theih nan eizawnna leh zirna ngaihpawimawh a tul zia an hrilh a, helai hmuna an awm chhunga an thil zirte taima taka zir chhunzawm zel turin chairperson hian a fuih a ni.

Continue Reading

Get real time updates directly on you device, subscribe now.

You might also like More from author
Leave A Reply

This website uses cookies to improve your experience. We'll assume you're ok with this, but you can opt-out if you wish. Accept Read More