Guwahati hmeichhe naupangin hula hooping record a siam

Guwahati hmeichhe naupang, Aaradhyaa Dhanuka, kum 10, chuan Guinness World Record pahnih a siam a, heng record te hi hula hooping a siam ve ve a ni. Hula hoop chu thil bial kawngbawra vela an dah a an then vir thin ang hi.
Aaradhyaa hian May ni 19, 2024-ah record hi a siam a, mahse, Guinness World Record lamin tunah a record siam hi an pawmpuina an thawn chauh a ni. Aaradhyaa hian a ban pakhatin 90-degree angle-in minute 21 leh second 2 chhung hula hooping-in record a siam a, a hmaa hetiang record siamtu chu Viha Gedia, USA a ni.
Aaradhyaa hian record dang siam belhin, a nghawngah hula hoop pathum dahin, chu chu a rualin minute 4 leh second 2 chhung a tivir thei a ni.
Aaradhyaa hian state record pasarih, national record pathum leh world record pathum a siam tawh a, sports lamah honorary doctorate an hlan tawh bawk.