Serchhipa kawng siam dan sawi

NHIDCL-in Serchhip district chhunga National Highway-54 siam hna an thawh mek chungchang sawi hoin Competent Authority for Land Acquisition (CALA), bawrhsap Paul L Khuma hoin Nilaini khan an thukhawm.
August 24-a Keitum leh Bungtlang khuaa kawng siam la zawhfel lohna hmun hrang hrang bawrhsap-in a tlawhchhuah tawh, siam zawhfel thuai a nih theih nan hmalak dan tur an lo sawi tawh, an thawh tawh chin leh hmabak la awmte thlir ho a ni a. Kawng laihna vungin Serchhip Zawlpui Mat phaia loneitute harsatna a thlen dan pawh sawi niin, leilet tih chhiat bakah an tui lak kawng a tihchhiat thu hi NHIDCL leh an hnuaia thawk contractor-te sawipui an ni bawk.
Geo reference co-ordinate chungchang sawi niin, hemi atana sum mamawh tur sawi a ni a. Kawngpui siamin ram a tihchhiat sakte zangnadawmna la pek loh pawh pe thuai tura tih an ni.