YMA chanchinbu enkawltuten Mizo tawng hman dan an zir

Central YMA leh Mizo Language Development Board tangdun buatsaihin YMA Branch chanchinbu enkawltute chu Mizo tawng hman dan zirpui an ni a. Aizawl khawpui chhung leh pawn atangin YMA chanchinbu enkawltu mi 86 an tel.
Mizo tawng zirhona hi hun hniha then a ni a. Mizo Language Development Board chairman R Lallianzuala chuan YMA nen thawh dunna tha tak an nei chu lawmawm a tih thu a sawi a. Mizo tawng hmasawnna atan theihtawp an chhuah thu leh ruahmanna hrang hrang an siam thu a sawi a ni.
CYMA president Lalhmachhuana chuan social media hman kawnga fimkhur a ngaih thu leh Mizo mipui tana him loah chuan Central YMA chuan hma a lak zel tur thu a sawi a. Chanchinbu hmangin nasa takin ram hmelhmang an thlak danglam thei a, ram leh hnam humhalh lam hawi thu ziah tam a tul tih a sawi a ni.
Mizo Language Development Board member B Lalhmunliana chu a zirtir hna thawk tura sawm niin, Mizo tawng ziah leh hman dan dik a sawi a. Chanchinbu enkawltute tana pawimawh, mi nawlpuiin Mizo tawng ziah dan an hriatthiam dan tur zirpuiin, sawiho zui a ni
Mizo Language Development Board member Prof. Rualkhuma Colney chuan Mizo tawng dik leh tha hman uar a tul thu sawiin, tawng pawimawhna leh Mizo tawng thiam hlutna, tawngkau chheh hman dan hrang hrang a sawi a ni. Zawhna awmte chhan a ni.