Court in two-finger test neih khap bur

Meghalaya sorkar chuan Supreme Court hnenah pawngsual tawktu damchhuak chu tun hma in mipat hmeichhiatna lamah a lo inhmang tawh em tih finfiah nana ‘two-finger test’ kalpui tura tih chu duh lovin a khap bur tiin a hrilh.
State sorkar chuan apex court hnenah June 27, 2024 khan Health and Family Welfare Department of Meghalaya chuan he test khapna hi tichhuakin a zawm lo te chu hrem tur an ni ang a ti bawk.
Bench of Justices J. B. Pardiwala leh Sanjay Karol te chuan May 7 a top court order siam chungchang sawiin apex court chuan ‘two-finger test’ kalpui chu pawi a ti a ti a.
“Amit Kumar, Advocate General Meghalaya aiawha ding chuan June 27, 2024 khan government of Meghalaya, health and Family Wealfare Department circular thehdarhin, circular chaun ‘two-finger test’ khapna leh a tilui te chu hrem tur an nih thu a tichhuak a ni tiin Bench chuan September 3 a order a tihchhuahah a tarlang.
Bench chuan order tichhuakin Meghalaya High Court in March 3, 2023 a thutlukna a lo siam tawh khingtu convict petition chu a hnawlsak bawk a.
High Court chuan thil tisualtu chu Protection of Children from Sexual Offences (POCSO) Act hmanga hrem tur tiin Bench chuan convict chu kum 10 lai a thiltihsual avanga lung in tang tura tih a ni a ti bawk.
October 2022 khan apex court chuan pawngsual tawk te laka ‘two-finger test’ neih chu nasa taka sawiselin scientific basis nei lo leh a tuartu hmeichhiate tihnat lehna leh an zahawmna namnulna tiin a lo sawi tawh bawk a.
September 3 a order a passed ah top court chuan Meghalaya sorkar circular chu behchhanah nei bawkin, “Supreme Court of India leh Ministry of Health and Family Welfare te chuan sexual survivor te laka two-finger test (TFT) kalpui chu a khap bur a. He thil hi scientific behchhan nei lo, tha lo leh survivor te zahawmna leh rights bawhchhiattirna a ni” tiin a sawi a.
“Meghalaya state a sorkar doctor leh medical practitioner tin te chu sexual assault surviror te laka two-finger test kalpui miah lo tura tih an ni a. He thupek hi government medical personnel tin tena an zawm tur a ni” tih a ni bawk.
Circular chuan doctor tupawh two-finger test kalpui an awm a nih chuan Meghalaya Dicipline and Appeal Rules, 2019 hnuaiah hremna na taka lekkawh a ni ang tih a ni bawk.
Sexual assault survivor te chu hrethiam tak, zah tak leh uluk taka enkawla psychological support leh counselling services te pek tur a ni a ti bawk a.
“State of Meghalaya in circular a tihchhuah hi kan ring tawk a, a nihna tur ang taka kalpui a nih pawh kan beisei a ni. Nakin zelah Meghalay State kan demna tur a awm loh kan beisei” tiin Bench chuan a sawi bawk.