Kolasib-ah faina beihpui thlakna campaign hawng

Fai beihpui thlakna, Swachhata hi Seva Campaign chu Zirtawpni khan Kolasib-ah district bawrhsap Robert C Lalhmangaiha’n a hawng a. Campaign kalpui dan tur sawi ho a ni.
Bawrhsap chuan sawrkarin faina a ngaihpawimawh avangin Swachhata hi Seva pawh hi chumi atanga duan a ni tih a sawi a. Kum dangah chuan Mahatma Gandhi piancham – October 2 ah Faina Hapta tan a ni thin a, kuminah erawh faina kawnga beihpui thlakna chu Swachhata hi Seva campaign hmang hian September 14-ah bul tanin, October 2-ah a hmawr bawk a ni dawn tih a sawi.
Swachhata hi seva Campaign hi khawpui leh thingtlanga kalpui tur niin, urban hi UD&PA kutah, rural erawh PHE department in an kalpui dawn a ni.
Hmun bal zual (black spot) zawn chhuah, cultural fest buatsaih, Swachhata competition waste to art kalpui, health camp neih, faina hapta, thing phun, rally, fai tura intiamna leh faina kawnga hmalakna chi hrang hrang neih dan tur rel a ni.