Delhi Chief Minister atangin AAP Convener Arvind Kejriwal bang dawn

Aam Aadmi Party (AAP) convener Arvind Kejriwal chuan Pathianni (Spteember 15, 2024) khan ni hnih hnuah Delhi Chief Minister atanga a ban tur thu sawiin party chuan CM thar tur a thlang ang a ti bawk.
AAP headquarters a party workers te hnena thusawina a neihah Delhi ah inthlan huaihawt vat a ngiat tur thu sawiin mipui tena ‘certificate of honesty’ an pek hma chuan CM chair a thut a tum lo tiin a sawi bawk.
“Mipui te malsawmna nen BJP te phiarrukan tinte chhanletna kan tichak vek thei a, dik taka kan tih avangin Delhi tan thil tam tak kan ti a ni” tiin Kejriwal chuan a sawi bawk a.
“An rinawmloh tlat avangin kan rinawmna avangin an hlau tawh a. ‘Sum atanga thuneihna leh thuneihna atanga sum’ game ah hian ka tel ve lo. Court of law atangin justice ka nei mai a. Tunah chuan mipui court in justice min pe mai ang. Delhi mipui tena thutlukna an siam hnuah chauh Chief Minister thutthlengah hian ka thu leh chauh ang” tiin Kejriwal chuan a sawi bawk.