Tejashwi Yadav-an PM Modi khaklet sak

Bihar in Bihar legislative assembly a Leader of Opposition leh Rashtriya Janata Dal (RJD) leader Tejashwi Yadav chuan Prime Minister Narendra Modi an Jharkhand Mukti Morcha (JMM), RJD leh Congress te chu Jharkhand hmelma lian ber ber tia a sawi chu a chhang let a.
Yadav chuan Modi chu Bihar hmelma lian ber niin State chu nuhrawn enkawlin a nekawl a ni a ti bawk a. Bihar a BJP-JDU sorkar chungchang sawiin Bihar a double engine sorkar chuan sawi tur reng an nei lo tia sawiin chuvang chuan “Hindus, Muslims, Mandir, Masjid, Pakitsan, Kashmir leh Bangladesh” te sawiin an hmanhlel a ni a ti bawk.
September 15 khan Jharkhand Jamshedpur a Gopal Maidan a Bharatiya Janata Party’s (BJP) Parivartan Maharally neihnaah Modi chuan Jharkhad chuan hmelma lian pathum – JMM, RJD leh Congress te a nei tiin a sawi a. Prime Minister chuan rinawm lo ber leh corrupt party turu ber chu Congress te an ni, a ti bawk.
Yadav chuan Modi thusawi chu chhang letin Mucaffarpur a rally a neihnaah, “Modi hian tunlaiin engmah sawi tur a nei lo. Manipur a tlawh tawh em le? A party a pawngsualtute minister-ah a dah a, chung mite lakah chuan hremna lekkawh a ni em? Prime Minister hi Bihar hmelma lian ber niin nuhrawn enkawlin min enkawl a ni. Bihar hnenah special category status emaw special package emaw min pe hauh lo” tiin a sawi a.
RJD leader chuan, “Centre-in Bihar in special category status a ngiat chu a hnawl a. Inthlan lai kha chuan BJP leader ten vote hui duhin min tiam a ni. Inthlan a zo va, min pe leh duh chuang lo. Tun hnai kum 11 chhungin PM hain Bihar chu che thei lovin a siam a. NITI Aayog report in en a nih chuan Bihar performance chu a chhe ber a, rethei tamna ber leh migration sanna ber a ni bawk. Bihar chu per Capita income hniamna ber a ni bawk. Heng thilah hian PM hian eng nge sawi tur a neih? BJP te hi a ni lawm ni Jharkhand a rorel rei ber tawh, hmasawnna hmelma te chu tute ber nge? PM hian thil a sawi dawnin telepromter atanga chhiar ngawt lovin research nei hmasa tawh thin rawh se” tiin a sawi.
Bihar a BJP-JDU coaltion sorkar pawh beiin Yadav chuan public issue hrang hrangah double engine sorkar chuan tih engmah a nei lo va, chu ai chuan HIndu, Muslims, Mandir, Masjid, Pakistan, Kashmir leh bangladesh chungchang an sawi mai mai a ni a ti bawk a.
Bihar Deputy Chief Ministe rhlui chuan Chief Minister Nitish Kumar chu State a pawikhawihna hluar zelah a bengngawng tawh a, a mit a del tawh tiin a sawi bawk a.
A yatra neihah Kumar chuan Darbhanga ah a enthla tia sawi bawkin, “Eng vangin nge he sorkar hian ka yatra chu a hlauh em em le. Darbhanga-ah CIS leh Special Branch mi leh sa te workers’ meeting ah an lo tel ru tih kan hria a. Closed-door meeting niin press mite pawh an luh remtihlohna a ni a. Mahe, kan worker ten mi pahnih vel chu press emaw party worker an ni lo tih an hrechhuak nghal a. Chung mite chuan thla te an la zui a. A hnuah CIS leh Special branch mi leh sa te an ni tih kanhre zui a, sorkar hian criminal leh corrupt mi te laksh spy hna kalpui zawk rawh se” tiin Tejashwi Yadav chuan a sawi bawk.