AAP Mizoram-in lawmpui

AAP Legislative Committee-in Delhi chief minister atan Atishi Maarlena a ruat chu lawmawm an tih thu Mizoram AAP chuan an sawi.
AAP Mizoram senior vice president C Lalkhuma chuan Atishi Maarlena chu a mawhphurhna tha taka a hlenchhuah theihna turin duhsakna an hlan tih a sawi a. AAP Delhi-a an hruaituten kil tin atanga beihna an tawhna karah kum 10 sawrkar tha tak a siam thei a, Arvind Kejriwal leh a thawhpuite an lawmpui hle tih a sawi.
Mipui tana dik tak leh huaisen taka rawng an bawlna leh BJP-in nasa taka an beih kara an dik lohna haichhuah tur an neih loh avangin, zui tlak an nih zia a tichiang tih a sawi bawk.
“Mizoram mipui pawhin system nghet leh tha nei sa AAP hi thawhpui thiam nachang kan hriat a pawimawh a, an hnathawh dan hi kan Kristianna nen a inmil hle in kan hria a ni,” AAP Mizoram hruaitu hian a ti.