Katy Perry album thar, a studio album parukna ‘143’ chu nimin khan a tlangzarh ta. ‘143’ hi ‘I love you’ tihna a ni a, 2020-a a album ‘Smile’ hnua album a tihchhuah leh hmasak ber a ni. ‘Smile’ album kha Billboard 200 (albums) chart-ah No.5 a kai thei.
Tuna a album tharah hian a singles tihchhuah tawh ‘Woman’s World,’ leh ‘Lifetimes’ bakah Doechii leh 21 Savage te a thawhpuina ‘I’m His He’s Mine’ leh ‘Gimme Gimme’ te pawh a tel a, he album-a hla dang awm zingah ‘Crush’, ‘Nirvana,’ ‘All the Love,’ ‘Truth,’ tih leh ‘Wonder’ tih hlate pawh a tel.
Katy Perry hi American Idol judge-ah tangin, rimawi khawvelah a thawm a reh deuh a, tunah hian Idol judge bansanin rimawi khawvela insawrbing turin hmathar a rawn la leh ta a, kum li chhunga a album hmasa ber nen a rawn comeback leh ta a ni. ni.
Katy Perry album thar ‘143’ tlangzarh
Get real time updates directly on you device, subscribe now.
Next Post