Zirlaiten Kolasib khawlai tifai

District Urban Development & Poverty Alleviation (UD&PA) Department Kolasibah hmalakna in Thawhlehni khan Kolasib-ah fai inzirtirna campaign – ‘Swachhata Hi Seva’ hman a ni.
India sawrkarin faina beihpui a thlakna ‘Swachh Bharat Mission’ kal zelah September 15 atanga October 2 thleng daih tur faina chungchang hmalakna programme – ‘Swachhata Hi Seva’ hi kalpui mek a ni a. Hemi denchhen hian Kolasibah pawh zirlaite nen ‘No Tolerance for Single Plastic Use, No Tolerance for Littering/Spitting & Cleaning of Black Spots Day’ hman a ni.
St. John’s Higher Secondary School, Venglai Kolasib tualzawlah hman a ni a. DUDO Josephine Zonunsangi’n zirlaite chu chhuan lo la awm zel turte tana thiamna leh zirna hlanchhawngtu tur an nih angin, faina pawimawh zia hria a, a taka nunpui chu an mawhphurhna lian tak a ni tih a sawi.
‘Swachhata Hi Seva’ campaign-ah hian Kolasib khawchhunga village council member-te leh St. John’s HSS leh St.Maria Goretti’s School zirlaite khawchhung tifaiin an hnatlang a ni.