Ngengpui Reserve chhunga hmalatu insuanchhuak turin ti

Chhimtuipui Wildlife Divisison deputy conservator of Forest chuan Ngengpui Reserve Forest chhunga thingphun leh thlai chingtute chu insuan chhuak turin a ti.
DCF thuchhuak chuan, Mizoram sawrkarin 1982 March 19-a hriattirna a tihchhuah hmangin Ngengpui leh Kawrawng lui inkara ramngaw awm chu Ngengpui Reserve Forest-ah a puang a. Tunhnaiah he Reserve chhungah hian thing phun leh thlai ching an awm tih hriat niin, hei hi Mizoram Forest Act 1995 kalh a ni a, reserve forest chhunga dan loa an thlai chinte senghawi turin tun thla (September) chhung hun an inpe tih a sawi.
He thuchhuak zawm lo chu sawrkar hmalakna engpawh sawi buai theih a nih loh bakah sawrkar ram zah loa mimal thing phun/ thlai chingte chungah action lak a ni dawn tih a sawi a ni.
Ngengpui Reserve Forest chhunga ram nei ni awma inhria an awm chuan ram neih phalna lehkha an neihte Ngengpui range officer hnenah tun thla chhunga thehlut turin a ti bawk.