Taliban in an dan hman thlak tum lo

Afghanistan a rorelna chelh mektu Taliban chuan an rama hmeichhia leh hmeichhe naupang chungchanga dan an neih kenkawh kawngah an dinna sawhsawn an tum loh thu a sawi.
Tun hnai khan ram pali – Australia, Canada, Germany, leh Netherlands te chuan UN-ah Taliban in Afghanistan rama hmeichhiate an enkawl dan chu inrahbehna leh human rights bawhchhiatna lian tak a ni tiin, Afghan ram chungchang hi international law hmanga chinfel dan ngaihtuah turin a thlen a, hetih lai hian Afghan ram chuan an dan dinglai chu sawhsawn an tum loh thu an sawi ve thung.
Kum 2021 atanga Taliban in Afghan ram an awpbeh leh hnu atang khan hmeichhiate dinhmun hi a khirh thar leh hle a, zirna inahte, hnathawhna hmun leh pawnah an chhuah phal a nih loh avangin harsatna an tawk nasa in, tilui hriatchhuah an neih phei chu an tihlum hial thin a ni.
Hemi chungchangah hian Taliban thupuangtu pakhat Hamdullah Fitrat chuan eng ang pawhin human rights lamah hek nimahse, an dinna sawhsawn an tum loh thu sawiin, Afghan ram chu ram bung khat a nih ve thu leh, an rorelna hnuaia awm a nih thu a sawi a. Taliban chuan ram hran atanga midang thuneihna rawn neih tumnaah an ngaih thu a sawi.
Hmeichhiate kan enkawl dan leh kan sakhaw dan nena kan kalna kawngah hian ram hran atanga thuneih rawn tum an awm hi kan duh lo a, keini chuan sakhaw dan hi nghet taka vawn a, kan ram hi kaihhruai kan tum, a ti bawk.