1980s music video zinga YouTube-a 2B view kai thei hmasa ber A-ha ‘Take on Me’

A lar vanglai, 1985 khan Billboard Hot 100 (singles) chart-ah No.1 a lo ni tawh, A-ha hla ‘Take on Me’ music video chuan YouTube-ah vawi tluklehdingawn 2 en a hlawh ta a, 1980s music video zingah YouTube-a hetiang zat en hlawh thei hmasa ber a ni.
Norwegian trio- Magne Furuholmen, Morten Harket leh Paul Waaktaar-Savoy te hi 1985-ah chuan kum 22, 26 leh 24 an la ni a, an debut album ‘Hunting High and Low’ chu 1985-ah an tlangzarh a, chuta an lead single ‘Take on Me’ music video chu Steve Barron direct a ni (ani hi Michael Jackson ‘Billie Jean’ music video direct-tu tho kha a ni) a, pencil-sketch animation leh live action inpawlh niin, a hunlaiin MTV lamah pawh a lar hle a, Norweigian group zinga Billboard Hot 100 chart-a No.1 kai thei hmasa ber an ni bawk.
A-ha ‘Take on Me’ music video hi YouTube-ah January ni 6, 2010 khan an upload chauh a, February ni 17, 2020 khan vawi tluklehdingawn en a hlawh hman tawh a, September ni 19, 2024 khan vawi tluklehdingawn hnih a en a hlawh thei ta a ni.
‘Take on Me’ hian 1986-a MTV Video Music Awards-ah award paruk- Best New Artist in a Video, Best Concept Video, Most Experimental Video, Best Direction, Best Special Effects leh Viewer’s Choice a dawng a, hei bakah hian Best Group Video leh Video of the Year-ah te nominate a ni bawk.