Congress leh BJP vote tlak an ni lo : Mayawati

Bahujan Samaj Party (BSP) hotu Mayawati chuan nimin khan Dalit mipuite chu Congress leh BJP vote lo tura chahin, anni party pahnih hian engmah an thlen dawn lo che u, an tawngka mai mai a ni, an hmangaih lo che u, a ti.
Mayawati chuan Haryana inthlan an hmachhawn turah pawh hei hi lo ngaihtuah chiang teh u, tia sawiin, Congress leh BJP hian in tan eng nge an tih, a hnu zelah an ngaihsak che u em? tih thlengin ngaihtuah rawh u, a ti a. Dalit te chu Congress leh BJP vote lo tura sawmin, party lian pahnih chu na takin a sawisel bawk.
A sawi zelnaah, BSP chuan kan tih tura kan sawi chu kan ti zel mai dawn a, kan party vote lo pawh ni ula, kan sorkar a nih chuan kan ngaihsak vek dawn che u, mahse kan tlin a ngai. Party pahnih hi vote lo ngam ula ka ti, tiin a sawi chhunzawm.
Haryana inthlan hi a hnai tawh hle a, October ni 5 ah vote thlakin, ni 8 ah vote chhiar a ni dawn a, hemi campaign-na pakhata atana Mayawati thusawi hi lehlam party tan chuan a na hle a, an chhan let ngei pawh a rinawm.