Alacaraz a champion

Ningani khan China Open final khelh a ni a, inkhel hmuhnawm takah Carlos Alcaraz chuan World No. 1 Jannik Sinner a hneh a, ropui takin a champion.
Final a intum Jannik Sinner leh Carlos Alcaraz te hi tunlaia player tha filawr an ni a, final-a an intum hian ngaihven a hlawh hle. Final ngaihven hlawh tak a nih ang ngeiin inkhel pawh a hmuhnawm a, set thum chhungin tum hnih ngawt tie-break khelh a ngai hial nghe nghe a. Inkhel hmuhnawm leh inhnehtawk takah Alcaraz a chungnung zawk.
World No. 4 Alcaraz hian No. 1 Sinner lakah bul a tan tha viau a, set khatnaah 5-2 ngawtin hma a hruai hman. Awlsam takin set khatna a la tura ngaih a nih laiin Sinner er let a tuar lova, game thum ngawt a hloh zawn a, tie-break khelh a ngai ta hial. Tie-break-ah Sinner a chungnung a, rin loh takin set la hmasa zawkah a tang.
Set khatnaah a chetsual hnuin Alcaraz a insiamtha a, set hnihnaah a chesual duh tawh lo. Alcaraz hian set hnihnaah break a neih a chhawr tangkai a, game li hloh chungin set a la.
Set hnih ve ve an lak hnuin deciding set khelh chhunzawm a ni a, an inhnehtawk zui leh viau. Deciding set ah hian tie-break khelh a ngai zui leh a, Alcaraz a chungnung ve ta thung a, 6-7 (6-8) 6-4 7-6 (7-3). a hnehna changin a champion zui ta a ni. China Open-ah a hneh leh tak vangin Carlos Alcaraz hian a elpui lian Jannik Sinner lakah 6-4 in hma a hruai ta a chiah a, an intum hnuhnung pathumah a chak zawn ta hial a ni.leh ngei ang!