India fapa rangkachak Ratan Tata a her liam ta
Tata Group chairman hlui leh dintu, engkima sulsutu pawimawh Ratan Tata chu kum 86 mi niin, October ni 9 khan a boral.
Ratan hi December 28, 1937 khan Navsari, Gujarat-ah a piang a, a sumdawnna lamah insawrbing chho zelin, Tata Group hi a din chhoh a ni.
A sumdawnna bul tan nan hian neih a nei mang lo a, harsa taka bei chhoin a thawhrim rah a tel chho zel a, vision ropui tak neiin chu chuan tun dinhmuna India ram ropui belhna tam tak hi a kengtel bawk.
Tata Group hnuaiah hian healthcare, education leh rural development hna tam tak a siam a, hengah te hian thalai tam tak tan hna siamsakin, Tata Trust hlawhtling takin a kalpui thei bawk a ni.
India ram tana a thawhhlawk em avangin India sorkar chuan civil mite chawimawina sang kum 2000 khan Padma Bhushan a hlan a, kum 2004 khan Padma Vibhushan a hlan leh bawk.
A thawhchhuah atanga za a 60-65% hi charity tan a hmang hial a, India tan chuan a fapa rangkachak dik tak niin, a boral thu hian Tata chhungkua mai bakah, India mipui mai ni lo, khawvel a nghawr chhuak hial a ni.
A chenna state Maharashtra chief minister Eknath Shinde chuan Ratan Tata thihna chuan a thawng tak zet tia sawiin, a vui zawh hun a liam hma chuan national flag chu an state chhungah a ngul chanve a zar a nih tur thu sawiin, sorkar office leh an state chhungah intihhlimna lam leh entertainment programme reng reng siam a nih loh tur thu nimin tuk khan a chhuah nghal bawk.
India fapa rangkachak Ratan Tata a her liam ta
Get real time updates directly on you device, subscribe now.