Wimbledon line judge kan hmu tawh dawn lo!

Wimbledon line judge
kan hmu tawh dawn lo!
Kalphung (tradition) nghet tak vawng tlat thin Wimbledon chuan an tradition zinga pakhat an thlauthla ve dawn ta nge nge a, nakkum championship atang chuan khelmual sira line viltu nu un pui pui leh pa zahawmpui pui ding kun hlo thinte thlak turin khawl (electronic line calling) an ruai ve tawh dawn tih Nilaini khan All England Club chuan an nemnghet.
Kum 147 chhung zet chu he thuamvar lam inbelna bik grass court major tournament-ah hian dak nalh thlarha inchei endiktu rualin line an lo vil kumkhua tawh thin a, nakkum atang chuan court sirah hmuh tur an awm tawh dawn lo a, anniho thlaktu atan Wimbledon chuan qua lifying tournament lamah pawh Hawk Eye Live Electronic Line Calling (Live ELC) an hmang tawh dawn tih an puang.
Electronic line calling hi a hmasaber atan kum 2017 daih tawh khan Milan khuaa ATP Next Gen Finals-ah enchhin a lo ni tawh a, Covid-19 hripuiin khawvel a tuam lai khan line bila inhnaih tak taka dinho a remchan loh avangin he thiamna hi zau zawka mamawhna a lo chhuak zel a, kum 2025 atang khi chuan line judge thlaktu atan ATP Tour event khelhna court zawng zawngah chuan an hmang kim hman tawh tura ngaih a ni.
Grand Slam tournament pahnih Australian Open leh US Open lamah pawh line judge thlakna atan hian electronic calling an hmang tawh a, French Open lam hian mihring mit hi an la ring rih thung a; anni hian engtikah nge technology thar Live ELC hi an hman ve dawn tih la puang chiang lo mah se kum tharah hi chuan an hman ve tawh rin a ni.