Israel chuan Hamas hotu lawk tak Yahya Sinwar chu Gaza chhim lam an beihnaah an sipaiten an tihlum tih sawiin, amah a ni ngei tih pawh finfiah tawh a nih thu an sawi.
Sinwar hi Gaza velah hian kum 2017 atang khan chetla tanin, heng laia Israel mi leh sa bakah, US leh UK mite nasa taka bei thin a ni a, nikum October ni 7 a pawisawi lo tam tak Hamas in an beih tum leh, mi 1200 chuangin nunna an chan chhan pawh kha amah vang hi a nih thu Israel chuan a sawi bawk.
Israel prime minister Benjamin Netanyahu chuan Hamas hotu lawk boral thu hi vantlang hriatah ningani khan puangin, Gaza indona chu a la tawp lo, a bul kan tanna mai chauh a ni, a ti a. Hamas hotu lawk ho an dah thatkim vek tur thu a sawi zui bawk.
Prime minister chuan Hamas nena indona chu a la tawp mai loh thu a sawi bawk a, Gaza ram atanga Hamas an umbo hma chuan indona an beih chhunzawm zel tur thu leh an sipaite chuan a tuk atana inbuatsaihna an neih zel nghal tur thu a sawi.
Israel sipaite hian nilaini khan beihpui an thlaknaah Sinwar leh a kaihza vengtu hnaivaite an thah thu hi an sawi a, anmahni ngei a ni tih chianna pawh an neih thlap tawh thu an sawi a ni.
Israel in Hamas hotu lawk tihlum
Get real time updates directly on you device, subscribe now.
Next Post