October 18, Zirtawpni tlai dar 3:00 khan Mizoram Volleyball Association Office, Tuikual Indoor Stadium-ah Muco Bank Ltd. MVA Invitation Volleyball Tournament 2024 Fixture Release & Manager’s Meeting neih a ni a. Pu Singliana, Joint Secretary MVA chuan Fixture a tlangzarh a ni.
Pu Singliana, Jt. Secy MVA chuan hun harsa leh hun khirh tak karah tun hnaiah Mizoram Volleyball-in hma a sawn nasa em em a, hei hi kan thawhpui District/Zone/Club/Player-te leh Volleyball ngaisangtute inpekna rah liau liau a ni, a ti a.
Pu Maliana chuan, tun Tournament-ah pawh Team tinte Tournament chhunga harsatna siamtu ni lova Mizoram thalai leh Volleyball-in hma a sawn zel theihna tur zawka thahnemngai tak leh inlungrual taka thawkho turin ka sawm che u a ni, a ti bawk. Pu Maliana chuan Muco Bank Ltd. MVA Invitation Volleyball Tournament 2024 hi dik leh fel taka khelh a nih theih nan Fixture hi lawm takin a tlangzarh a ni.
Fixture tlangzarh zawh hian Manager’s Meeting neih zui nghal a ni a. Pu Lalmawizuala, Chairman Org. chuan kaihruaiin, Pu Solomon Lalruatsanga Rawite, Secretary Org. hnen atangin Report ngaihthlak a ni a. Technical Rules sawifiahna hi Technical hruaituten an nei bawk. Meeting hlawhtling leh inkawmhona hlawkthlak tak neih a ni bawk.
Vollyeball fixture tlangzarh
Get real time updates directly on you device, subscribe now.
Prev Post