Hong Kong sahuanah zawng sawm rual boral

Hong Kong sahuana zawng 12 lai mai chu tunhnai khan an thi a, hei vang hian ni 10 kalta chhunga sava dang 11 thihna thlentu nen a inang em tih hriat tuma beihpui thlak nghal a ni.
De Brazza zawng an tih mai thinte hi tun thla ni 13 khan an natna avangin khung hran an ni a, an boral hma hian zawng dang pariat an lo boral tawh bawk.
Sahuan thuneitute chuan an thih chhan hi melioidosis natna nia an rin thu sawiin, hei hi natna hrik kai theih, lei, boruak leh tui bawlhhlawlh atanga inkai awl tak a ni.
Tun dinhmunah sahuana ramsa awm dangte dinhmun erawh a la tha rih nia sawiin, an hriselna endik reng a nih thu an sawi a, tuna zawng rual boral chhan dik tak an hriatchhuah thuai an beisei thu leh an hriatchhuah theih hunah chuan ramsa dang awm vete ven dan tur nen hriat theih tawh an inbeisei thu sahuan thuneitute chuan an sawi a ni.