England a nu pakhat bo thiin hmu

England a nu pakhat bo thiin hmu
England, North Yorkshire-a nu pakhat bo Victoria Taylor chu hun rei fe zawn a nih hnuah a ruang hmuh a ni.
Kum 34 mi hian fanu naupang leh kawppui a nei a, September 30 khan Malton-a a chenna in atangin a bo a, report an dawn hnuah police te chuan nasa takin chhuizui hna an thawk a ni.
North Yorkshire Police-te chuan an ram sana a thawhlehni zing dar 11:45 vel khan River Derwent atangin ruang an hmuchhuak tih an sawi. Amah a ni ngei tih finfiahna la awm chiah lo mahse Taylor chhungte hi hriattir an ni tawh a ni.
Assistant Chief Constable Wayne Fox chuan, ‘Victoria chhungte chuan Victoria zawn chhuahna kawnga police leh emergency service dangte thlawptu zawng zawngte chungah lawmthu sawi turin min ngen a ni,’ a ti.
CCTV footage-ah chuan care home nurse hian a bo ni khan lui bula inkhelhna hmun lam a pan tih a tarlang a, a thil neihte chu he hmunah hian hmuh a ni. Police-te chuan ruang hi tui hnuaia zawn hna thawktute’n an hmuchhuak tih an sawi a, an hmuhna hmun hi Taylor-i bungrua an hmuhna hmun hnaihah a ni.