Ruahsur nasa avangin Spain-ah mi 60 chuangin nunna an chan

Ruahsur nasa avangin Spain-ah mi 60 chuangin nunna an chan
Spain khawchhak lamah ruah nasa taka surin, hei hian tuilian a siam nasa hle bawk a, chhinchhiah theih chinah mi 62 in nunna an chan tawh.
Valencia bul hnaih Chiva khawpuiah chuan ruahsur hian darkar riat chhung a awh nia sawi niin, hemi chhung hian chhiatna nasa tak a thleng hman a, mitthi zat pawh hi a la pung thei niin tualchhung thuneitute chuan an sawi.
Tuilian nasa avang hian hmun tam takah kawngpui a chhia a, car tam tak chu kawngpuiah tuilian hian a duh lam hawi hawiin a lenkual nia sawi a ni bawk.
Lirthei khalhtu pakhat chuan kawngpuia tuilian rawn intham phei an hmuh hnuin mi zawng zawngin hmun sang lam an bel a, nunphung a buai nasat thu sawiin, driver tam tak chu kawngpuiah hian an tangkhang zui niin a sawi.
Spain lal Felipe VI chuan tuilian avanga chhiatna tuartute zawng zawng thinlung taka a tawrhpui thu sawiin, chhiatna thleng chuan a tilungngai hle niin a sawi bawk.