Zirtirtu sawnchhuah thlaktu ngen

Zirtirtu sawnchhuah thlaktu ngen
Govt Dampui Middle School-a zirtirtu thawk lai sawrkarin hmun danga a sawnchhuah tak thlaktu tur zirtirtu dang a rang lama pe turin Dampui MZP chuan sawrkar thuneitute an ngen tih an sawi.
MZP Dampui Branch thuchhuak chuan, 2024 October 29 khan Govt Dampui Middle School-a thawk lai Pi Lalnunpuii Chhangte chu Govt Kawrthah Primary School IV a thawk turin transfer order a chhuak tih a sawi a. Kil hrang hrang atanga ngaihtuahin hriatthiamna thui tak a neiin awm a tih pui viau rualin, amah thlaktu tur zirtirtu dang sawrkarin a pek leh si loh chuan an zirna in a tawrh phah dawn a; thuneitute ruahmanna an hriatthiampui ang hian zirtirtu chhuak tur hmunruak hnawhkhattu zirtirtu dang an beiseina leh ngenna chu tih hlawhtlinsak ve turin sawrkar thuneitute an ngen tih a sawi a ni.