Mizo tleirawlte’n phaitualah
hockey semi-final khel dawn
Thla liamta October ni 26 atanga November ni 6, 2024 chhung awh tur New Delhi-a khelh mek 30th Charanjit Rai Nehru Girls (Under 17) Hockey Tournament 2024-ah semi-final an lut a, vawiin hian Haryana nen final luh an inchuh dawn a ni.
Mizoram hmeichhe team hi Thenzawl hockey zirna hmuna inzir mek niin, an coach Btei hoa fehchhuak an ni a; Group G lamah Gujarat leh Kerala nen an awmho.
Inrinni chawhnu khan an match hmasaberah 7-1 tehrengin Gujarat an sawp a, tah hian Durtlang Ramthar veng tleirawl Vanlalrinhlui chu ‘player of the match’ atan thlan a ni.
Pathianni chawhnu khan Shivaji Stadium, New Delhi-a an match hnihnaah a hmasa zawk aia chiang 9-0 ngawtin Kerala an nawp ve leh a; he game-ah hian player of the match-a thlan chu Durtlang tleirawl bawk Manglawmsangi (Sangi) a ni.
Nikum October ni 11 khan final-ah Serchhip district chhunga awm Lallengvunga High School hminga chhuak Thenzawl hockey academy zirlaite hian 4-3-in Ranchi khaw sikul CM Exellent High School hnehin champion no mawi an rawn hawn a, kumin pawh hian champion leh tura rin an ni.
Mizo tleirawlte’n phaitualah hockey semi-final khel dawn
Get real time updates directly on you device, subscribe now.