Canada-ah Hindu temple beih duh lohna lantirin pungkhawm
Canada rama Brampton Hindu Sabha Mandir kawtah an ram huna thawhtanni tlai khan Canada rama Hindu tam tak chu pungkhawmin, hei hi Khalistani kalvung pawlten temple an beih atanga ni khat hnua thleng a ni.
He huna kalkhawm buatsaihtute chuan Canada politician leh dan kengkawhtute chu Khalistani te thlawpna pek belh tawh lo tura an duh thu an aupui.
Coalition of Hindus of North America (CoHNA) chuan Diwali kar chhung ringawt pawh khan Canada ram pumah Hindu temple beihna vawi tam tak a thlen thu an sawi a, an rama Hindu huatna rau chu tihreh hmak an phut bawk.
Kalkhawmte chuan Hindu temple beih a nih fo an duh lohzia huaisen taka lantir an duh avanga pungkhawm an nih thu sawiin, zalen leh him taka pathian biak an duh thu an aupui a ni.
CoHNA in a sawidanin he punkhawmnaah hian Canada rama Hindu sakhaw bia sang tam tak an kalkhawm a, buaina leh harsatna siam tura pungkhawm an nih loh avangin thil thleng duhawm lo a awm lo niin an sawi bawk.
Canada-ah Hindu temple beih duh lohna lantirin pungkhawm
Get real time updates directly on you device, subscribe now.
Prev Post