Sawrkar siam theih thu thlen

Sawrkar siam theih thu thlen
Sinlung Hills Council inthlanpui tum 2-na neih zawh takah MNF leh HPC (R) ticket-a tling member te chuan Legislature Party an din a. Zirtawpni khan district election officer Aizawl, returning officer Er Lalhriatpuia hnenah sawrkar an siam theih thu ziakin an thlen.
RO hnenah hian majority an tling tih hrilhin, SHC sawrkar thar an siam theihna’n a tul anga hma laksak turin an ngen a ni.
MNF & HPC(R) Legislature Party-ah hian member 7 leh an tlinna bial chu – Ricky Lalremsanga (Vanbawng), Lalhmingthanga (Ratu), Lalhriatchhunga Hmar (Sakawrdai South), Melody Lalchhuangzeli (Sakawrdai North), Benjamin Lalrawnliana (Zohmun), R Lalfakzuala (Tinghmun), Zokhumthanga (Saiphai)