Pneumonia vei tihhniam tum dawn

Pneumonia vei tihhniam tum dawn
India ramah Pneumonia vei tih tlem tuma beihpui thlak a ni dawn a, a bikin naupang kum 5 chin hnuailamah he natna titlem turin hma lak a ni dawn.
November 12 kha World Pneumonia Day 2024 a ni a, hemi denchhen hian SAANS (Social Awareness and Action to Neutralise Pneumonia Successfully) campaign hawn a ni. 2025 February 28 thleng kalpui tur a ni.
Health joint director Dr Lily Chhakchhuak sawi danin, Pneumonia hi India rama naupang thihna thlentu tam ber a ni a; naupang kum 5 hnuailam thihna zaa 17.5 chu Pneumonia vang a ni. Mizoram bikah phei chuan India ram aia sang, zaa 19 a ni.
SAANS tum ber chu, kum 2025-a Pneumonia vanga naupang thi thin, nau piang hlim zingah 1000 zela pathum 3 pneumonia natna tih tlem a ni.
He campaign-in a tum pui deuh deuh zingah, naupang kum 5 chin hnuailam Pneumonia vei enkawlna tha tak pek, mipui vantlang hnenah Pneumonia vei lo tura lo invenlawk tul zia sawi uara Pneumonia vei enkawlna tha pek inzirtir, Pneumonia vei enkawlna hmanraw hrang hrang tih changtlunte a ni.
Zoram Medical College Paediatrics department head Dr F Elizabeth Lalhmangaihzuali chuan mithiamte zirchianna atanga an hmuh chhuah danin, naupang hi heng natna lakah hian an ven theih a, natna an pumpelh thei a, an vei a nih pawhin a hun taka enkawlna dik pek an nih chuan thihna a pumpelh theih tih a sawi a ni.