Gladiator II a che tha

Gladiator II a chetha
‘Gladiator II’ chu US-a an tlanfgzarh hmain tun weekend kalta khan ram hrang hrang 63-ah an tlangzarh a, market lian pahnih US leh China-ah an la tlangzarh ve lo chung pawhin cinema hall ticket hralhna atangin dollar maktaduai 87 a la lut nghal thei. He film hi US leh China-ah chuan November ni 22-ah an tlangzarh ve dawn chauh a ni.
Gladiator II hi a film hmasa kha a hit viau a, a chhunzawmna an siam leh dawn tih thawm pawh a awm nghal a, mahse, kum 20 chuang ral hnuah a chhunzawmna hi an siam leh ta chauh a, a film hmasa Russell Crowe channa ‘Gladiator’ khan 2000 Oscar-ah pawh best picture award a dawng a, a film hian dollar maktaduai 465 a la lut thei bawk.
Gladiator II-ah hian Russell Crowe a inlan tawh lo a, Paul Mescal, Pedro Pascal leh Denzel Washington te an chang a, a film siam nan hian dollar maktaduai 250 vel zet an seng, mahse, US leh China tel lo pawha heti zat opening weekend-a a lak luh theih chuan a chetha chho viau tura ngaih a ni.
Gladiator II-ah hian a film hmasa thawnthu an chhunzawm a, Lucius (Mescal), emperor Commodus a vahpa chu Colosseum-ah Rome ropuina tihlan leh tuma chet chhuah dan vel tarlanna a ni.