16th Finance Commission hnena thlen tur ruahman ho

16th Finance Commission
hnena thlen tur ruahman ho
16th Finance Commission hnena thlen tur Mizoram sawrkar rawtna leh ruahmanna chu finance changtu chief minister Lalduhoma hoin Thawhlehni khan sawiho a ni.
16th Finance Commission hun chhunga state specific grant lam sawiho bik a ni tih chief minister hian a sawi a. Tunhmaa he specific grant kalpui tawh dan ang thoa rawn kal tur a nih hmel avangin sum hmuh beisei a tam theih hmel loh, tiin, “Department hrang hrangin project in rawn thehluh kan thun vek thei dawn lo a. Kan sum dawn theih tur awm tawka kan ngaih behchhanin kan mamawh zual chauh kan thlan a ngai dawn a ni,” a ti.
Finance commissioner Vanlaldina Fanai chuan tun tumah hian official bik an inkokhawm a. Hun remchang hmasa berah NGO te nen inkawm leh tum a ni tih a sawi.
16th Finance Commission hun chhunga state specific grant hmanga thawh tura department ho project thehluh enho a ni a. project thehluh thenkhat tun tuma la tarlan loh chu a ranglama enho leh nise, an ti. Hei bakah hian 16th Finance Commission-in Mizoram an rawn tlawh huna lo dawnsawn dan tur pawh sawi a ni.
Thutkhawmah hian adviser to CM (Planning & Finance) TBC Lalvenchhunga bakah state specific grant atana project thehlut department changtu minister-te leh official-te, Planning & Programme Implementation leh Finance official-te an tel a ni.
8 Finance Commission hi kum 5 chhunga sawrkar laipui leh state sawrkar ten tax an insem dan tur bithliahtu atana India danpui Article 280 anga din a ni.
8 15th Finance Commission huamchin hi a tawp mai tawh dawn a, 2026 April 1 atang khian 16th Finance Commission rawtna anga kal tawh tur a ni.
8 15th Finance Commission hun, kum 5 kalta chhunga Mizoram sum hmuh, revenue receipts zaa 42 hi sawrkar laipui grant in aid atanga dawn a ni a, a dang zaa 42 chu share of tax atanga hmuh niin, a la bang zawng chu own tax revenue zaa 9 leh own non tax revenue atangin zaa 7 an ni.
8 India sawrkar grant in aid huang (component) atanga dawn hi CSS leh Finance Commission grant zaa 47 ve ve an ni a, a bang zaa 6 hi kawng dang atanga grant hmuh a ni. 15th Finance Commission-in share of tax-a state share atana a bituk chu zaa 41 a ni.