Kai app-a inziaklut sawrkar hnathawk 8000+ awm tawh

Pisa kai dan phung fel leh hun vawn dik a nih theihna atana Mizoram sawrkarin a hnuaia thawkte hman tura a duan ‘Kai app’ ah sawrkar hnathawk mi 8170 vel an inziaklut tawh.
Information & Public Relations department hnuaia officer zawng zawng leh directorate-a staff-te chuan Thawhlehni khan Aizawlah ‘Kai app’ hman dan tur hi an inhrilh a. DIPR joint director K Vanlalsangi chuan hawngin, Information & Communication Technology department atangin master trainer Lalfakzuala’n a zirtir.
Kai app hman dan tura hriat ngai zirho niin, directorate leh district hrang hranga manager tur pawh siamfel nghal a ni. I&PR department hi Kai app hmang turin a inpeihfel thawkhat tawh a ni.
Kai app hi application chi khat, pisa kai dan phunga hun an vawn dik lehzual theihna’n sawrkar hnathawkte hman tura Mizoram sawrkarin a duan a ni a. Tunah he app hnuaiah hian registered office 409 awm tawhin, hmangtu inziaklut tawh hi 8170 vel an ni.