UK-ah thlasik intanin vur pawh a tla tan

UK-ah thlasik intanin vur pawh a tla tan
UK hmun thenkhatah thlasik intanin, vur a tla nasa tan leh tawh hle a, vur tla hi a nasa chho tan dawn niin khaw awmdan sawitute chuan an tarlang.
An chhutlawk danin November thla laihawl atang khan an ramchhung hmun tam tak chuan temperature hniam lam zel kawk thlain, zan lamah phei chuan a vawt chho tawh hle dawn niin an sawi.
UK huamchhunga awm Scotland hmun thenkhatah phei chuan khaw lum dan chu minus 7.8C te niin, vur a tla nasa tawh hle bawk a ni.
Khawchin tehna Met office chuan Scotland hmar lam, England hmar lam, Northern Ireland leh Midlands hmun thenkhat chu vur tla laka fimkhur turin thuchhuah a nei tan tawh a, nunphung inthlak chho tur chu lo inpuahchah thiam turin ngenna an siam chho reng bawk.