Haiti tanpuitu pawl pakhatin an khawpuia an hmun titawp
Haiti rama medical organization lama tanpuitu pawl lian tak Medecins Sans Frontieres (MSF) chuan Haiti khawpui Port-au-Prince a an hnathawhna hmun chu an tihtawp thu an sawi.
An thuchhuaha an tarlan danin an staff te chu tharum hmanga beih niin, an enkawl mek damlo pahnih pawh Haiti police officer te’n an tihlum niin an sawi a ni.
Kar hmasa lam atang khan an ramchhung hi a buai nasa lehzual hle a, hmun hrang hrangah tharum thawhna a zual zel bawk avangin MSF chuan he thil duh lo hle mah se, an tih loh theih loh a nih thu an sawi bawk.
Port-au-Prince-ah hian thawhlehni ringawt khan mi 25 vel an thi nia sawi a ni a, police te leh gang pawl lian tak takte inbeihna chu a la hluar hle bawk a ni.
An ram chhung politics pawh la buai chho hle in, tun thla chhung ringawt pawh khan an interim prime minister Garry Conille chu an ram rorelna council chuan a lo ban tawh a, thla ruk chhung pawh thuneihna a chang hman lo a ni.
Haiti tanpuitu pawl pakhatin an khawpuia an hmun titawp
Get real time updates directly on you device, subscribe now.