Maoist hruaitu lawkin lung in atanga MA zawh duh

Maoist hruaitu lawkin lung in atanga MA zawh duh
Maoist hruaitu lawk ber, tuna Odisha-a Berhampur circle jail-a dam chhunga tang tura tih mek, Sabyasachi Panda chuan Odisha State Open University (OSOU) atangin kuminah MA zawh a duh niin lung in thuneituin Nilaini khan a sawi.
Panda hian Indira Gandhi National Open University (IGNOU) atangin kum hnih kal ta khan BA a zo tawh a, lung in tang mi parukten ral atanga kum hnih zir, MA (Public Administration) zir tura OSOU-a lehkha thehlut zingah a tel a ni.
Paruk zinga pali hi an chungthu rel fel tawh niin an zingah kum 55 mi, Panda a tel a. A dang pahnih hi an chungthu ngaihtuah lai mek an ni.
‘Panda telin mi parukte lehkha pawimawh chu kum hnih zir, MA (Public Administration) course zir turin kan thehluhsak hlawm,’ tiin Berhampur circle jail Senior Superintendent DN Barik chuan a sawi.
‘An inziah luh fel hnuah study material pek an ni ang a, an zir ang a, exam pawh an hmachhawn dawn a ni,’ tiin lung ina zirtirtu, Sanatan Khillar chuan a sawi bawk.
Panda hi July 18, 2014 khan Berhampur-ah man niin a la tang ta zel a. District hrang hranga Maoist kaihhnawiha pawikhawihna 130 chuanga inhnamhnawiha puh a ni a. Tual chhung court-in ram pawikhawiha do zawnga che tiin dam chhung lung in tang turin a ti a ni.