Thailand in hmeichhe pakhat thi turin a chungthu ngaihtuah

Thailand in hmeichhe pakhat thi turin a chungthu ngaihtuah
Thailand court chuan an ram hmeichhe pakhat chu a thian 14 te cyanide hmanga hraihlumah puhin, a thubuai hrang hrang an ngaihtuah hnuah thi turin a chungthu an rel.
Bangkok-a a chungthu ngaihtuahnaah kum 36 a upa Sararat Rangsiwuthaporn chu nikum lama an zin laiin a thiante eiturah thih theihna tur a telh avangin thiam loh chantir a ni.
A tirah chuan he thil hi an ei tur siam ngeih loh vangah puh ni zet mah se, thi chhungte thenkhat chuan pawm thei lovin autopsy tih that a ni a, an taksaah cyanide hnuhma hmuh a ni ta a ni. Police te chuan Sararat hi manin, an man hnu hian kum 2015 atang khan hetiang tih hi a lo ching tawh tih hriatchhuah belh a ni a, hetianga a tih zinga mi nia sawi pakhat erawh a damchhuak thung.
Police te chuan Sararat hian pawisa khelh a ching thin a, thian tur mi hausa tak tak zawng kualin, a pawisa khelh hmanga rulh turin pawisa a puksak thin niin an sawi. Tin, hetia a tih hnu hian an tlereuh leh thil hlu dangte chu a ruksak thin niin an sawi bawk. He nu hi Thai media te chuan Am Cyanide tiin a hming lem an vuah nghe nghe a ni.