Manipur-ah internet tinung leh rih
Manipur sorkar chuan Thawhtanni atang khan district pakua-ah mobile internet service a tihtawp lailawk chu a phelh ta tih a sawi.
Home department-in thuchhuah a siamah Imphal West, Imphal East, Bishnupur, Thoubal, Kakching, Jiribam, Churachandpur, Kangpokpi leh Pherzawl district-a venhimna dinhmun ennawnin internet service nena a inkungkaihna pawh an thlir tih an sawi.
Commissioner (Home) N Ashok Kumar chuan thuchhuahah heng district-ah hian internet leh data service an tihtawp lailawk chu an phelh ta tih a tar lang a ni.
Heng district-ah hian internet service hi November 16 khan Jiri leh Barak luia hmeichhe pathum leh naupang pathum ruang chhar a niha buaina a chhuah atang khan tihthih a ni a. A hnuah tihthih hun chhung hi pawh sei zel a ni bawk.
Sorkar chuan broadband service bik chu November 19 khan damdawi in, zirna in leh pisa hrang hrangin harsatna an tawh phah avangin a lo tinung tawh a. Wifi leh hotspot inhmantawm erawh a phal chuang lo.
Phelh a nih rual hian mobile internet hmangtute chu fimkhur tura chah nghal an ni.
Manipur-ah internet tinung leh rih
Get real time updates directly on you device, subscribe now.
Next Post