Mariah Carey ‘All I Want for Christmas Is You’-in 16x Platinum a kai

Mariah Carey ‘All I Want for Christmas Is You’-in 16x Platinum a kai
Mariah Carey Krismas hla chuai thei lo ‘All I Want for Christmas Is You’ chuan Recording Industry Association of America (RIAA) 16x Platinum certification a kai ta a, RIAA 16x Platinum a nih chuan he hla hi US-ah maktaduai 16 an hralh tling tawh tihna a ni.
He hla hi 1994-a a tlangzarh kha niin, a Krismas album ‘Merry Christmas’ atanga a single a ni a, a hla hi December 2005 thleng khan US-ah 5,00,000 an hralh tling ngawr ngawr chauh a la ni a, October 2019-ah platinum (maktaduai hralh theih chhin chhiahna) kaiin, 2019 kum tawpah chuan 6x Platinum (maktaduai ruk hralh) a kai ta zawk mai a ni.
December 2020-ah 8x Platinum (maktaduaio riat hralh) a kai a, chuta December 2021-ah Diamond (US-a maktaduai 10 hralh theih) a kai leh a, December 2022-a 12x Platinum kaiin, December 2023-ah 14x Platinum a kai a, tuna 16x Platinum a kai leh ta a ni.
Carey tan chanchin lawmawm dang a la awm, 2005-a a album ‘Emancipation of Mimi’ atanga a single ‘Sake It Off’ chuan 2x Platinum a kai thar a, 2009-a a ‘Memoirs of an Imperfect Angel’ atanga a single ‘Obsessed’-in 4x Platinum a kai thar bawk.