Congress chungah HM lawm
Home minister K Sapdanga chuan halpuah leh halmawi khap chungchanga Congress party-in an thlawp thu an puang chu a lawm hle tih a sawi.
Thawhtannia ZPM party office-a inkhawma thu a sawinaah Home minister chuan, kum 2013-a sawrkar thar a pian khan Krismas leh kumthar vuakveta halpuah halna hmun leh hun tur siam avangin namen loin halpuah leh halmawi kan uar leh ta viau a, hei hian damlote tan harsatna nasa tak a siam bakah air polution index a tisang hle a, hei vang hian sawrkar thar chuan halpuah leh halmawi hal a khap tlat tih a sawi.
“Congress party-in he kan hmalakna min thlawp thu an puang tawh a, kan lawm hle a ni. Mipui pawhin sawrkar hmalakna hi min tlawp theuh turin kan ngen a ni,” a ti.
Hetihlai hian, sawrkarin khapna thu a puan hnu ah Aizawla police station hrang hrang chuan halpuah leh halmawi kawl an manah case 7 vel a awm tawh a, an thil man hlut hi cheng nuai 20 chuang hu a ni tawh nia chhut a ni.
Congress chungah HM lawm
Get real time updates directly on you device, subscribe now.
Next Post