Serchhipah pawna ui chhuah khap

Serchhipah pawna ui chhuah khap
Faina leh thianghlimna lama hmalaknaah Serchhip district magistrate chuan Serchhip district-ah ui vulh lai a neitu kaih loha pawna chhuah tir a khap.
India ram leh Mizoramah faina leh hriselna lama hma sawn theihna tura sawrkar hmalakna kalzelah, khuahkhirh loha khawlaia ui chhuah tir thin hian khawtlang faina, himna leh hriselna a nghawng theih bakah khawtlang hmasawnna leh changkanna daltu a ni thei, tiin, district magistrate hian Section 163 of BNSS 2023 tlawhchhanin thupek a tichhuak.
Mi tumahin midang tana harsatna siam zawng leh midang tana hnawksaka ui vulh lo turin a ti a. Ui vulhtuten khawlaiah ui chhuah zalen lo tur leh khawlaia an chhuahpui dawnin hrui/ chain rinawm taka hlinga kai turin a ti. Khawlaia ui tla leh a nghawnga hrui/ chain-a thlunna awm lo chu neitu awm lo anga ngaih an ni anga, ui vulhtuten an ui vulh zun leh ek khawlaia hnutchhiah lo turin a ti.
He thupek hian thu leh awm hma chu 2024 December 10 atanga thla hnih chhung a huam dawn a. Thupek zawm lo chu Section 223 of BNS 2023 dan hmangin hrem theih an ni tih a sawi.