France awp chhung thliarkara thlipui vanga thi zat sawm an chuang tawh

France awp chhung thliarkara thlipui vanga thi zat sawm an chuang tawh
India Ocean thliarkar, France awp chhunga awm Mayotte-a thlipui tleh vanga thi zat chu an tam tham hle tawh rin a nih thu thuneituten an sawi.
Cyclone Chido in a nuai Mayotte thliarkar a thlipui thawk hi a na hle a, lei a thlen hian darkar khata 225km/h (140 mph) a nih thu tarlan a ni.
Thi zat report hnuhnung berah chuan 11 an tling tawh a, he thliarkara thuneitute Francois-Xavier Bieuville chuan chhui chian mek zel a nih avangin hei aia tam hi an nih ngei a rin tawh thu sawiin, za an chuan ngei a rin thu a sawi.
France president Emmanuel Macron chuan a hmain Mayotte mipuite tan France chu a awm reng dawn thu a lo sawi tawh a, chhanchhuah hnathawktu 250 a tir mek tawh bawk a ni.
France interior minister Bruno Retailleau chuan in awm zawng zawng deuh thaw a chhia nia sawiin, thi zat hi an pun san theih hle thu a sawi.