An khuaa haw thei lo Starodubtseva!

An khuaa haw thei lo Starodubtseva!
Ukrania tennis player Yuliia Starodubtseva chenna khua Kakhovka chu an ram thenawm Russia-in an ram a beih tan hnu lawk khan hmelma Russia sipaite kutah lutin, tun thleng hian an awp zui ta zel a, Pathiannia Australian Open first round-a a tlak hnuah Starodubtseva hi an khuaah a la haw thei ta rih lo tluang zel!
Ukraine ram chhim lam khaw tuiliak Kakhovka hi Melbourne Park-a major tournament singles khel hmeichhe player paruk zinga pakhat niin, an ram lamah indona a la tawp thei lo chungin Ukranian tennis player-te hian rilru khingbai tak chungin intihsiakna tualzawlah anmahni leh an ram tan an bei chhunzawm zel a, tuntum Melbourne atanga a haw thei lo hian mi lainat a hlawh zual.
Pathiannia a opening round match-ah Yuliia Starodubtseva hi Leylah Fernandez lakah tlawmin, a khawsak mekna Germany lam a pan leh mai rih a ngai.
Kakhovka kawng zawh thei lo Ukrainian chuan, “Haw ka chak tawh hle mai a, mahse, kan khua ber ka thlen theih dawn rih chuan loh avangin Ukraine-a kir pawh ka tum buai duh tingtang rih lo,” a ti.