Kashmir-ah ram kang thut thei, inring turin ti

Kashmir-a thuneitute chuan Ningani khan inkaihhruaina thar tichhuakin ni sarih lo awm leh tur chhung hian ram kang mai thei dinhmun a nih avangin fimkhur leh inring turin mipui an ti.
Kashmir Divisional Commissioner pisain lehkha a tihchhuahah hian phaikuama district 10-a deputy commissioner theuhte chu an huam chhung theuhva ram kan mai theihna laia awmte chu hriattira inrintir turin tih an ni.
“Mi tin, a bikin ram a kan mai theihna laia chengte tan a buaithlak thei a, thil duhawm lo thleng thei veng tur leh hlauhawm thei ang chi siam lo tura ngen an ni,” tiin thu chhuah a ni.
Thupek tihchhuahah hian thuneitute chuan hlauhawm thleng palh thei hi kawng hrang hrang – social media, tual chhung chanchinbu leh vantlang inkhawmnaah puangzar turin an ti bawk.
Inkaihhruaina tihchhuahah hian mipuite chu inralring tura ngen an ni a, pawn lama mei chhem ti lo tura tih an ni a, eng emaw kangmei nia hriat hmuh chuan inhrilh vat turin an chah.
Field staff, forest worker leh rikruma che chhuak chite pawh inring lehzual tura chah an ni.
“Forest staff, tual chhung thuneitu leh rikrum hmachhawn tura tih zawng zawngte chu hriattira kangmei chhuah a hlauhawm thu hi hriattir vek tur an ni a. An kang thelhna hmanruate hman theiha peihin a tula che nghal tura inrin tur a ni,” an ti.