Hmunphiah leh Sawhthing lei vek tum

Hmunphiah leh Sawhthing lei vek tum
Chief minister Lalduhoma chuan hmunphiah hralh thei lo te chu kumin March thla chhungin sawrkarin a leisak vek dawn tih a sawi a. Sawhthing pawh a bo a bang awm loin a chingtuten an hralh vek thei dawn tih a sawi.
Thawhlehnia ZPM Legislature Party (ZPL) thutkhawmah ZPL leader Lalduhoma chuan kuthnathawktuten sawhthing an hralhna tur ruahmanna fel tak siam a ni tawh a, sawhthing chingtuten an thar ang ang a bo a bang awm loin an hralh vek dawn tih a sawi. Secondary collection centre 62 atanga sawhthing hralh tur a ni tih sawiin, a ruala chawh vek a rem loh chang a awm a nih pawhin, mipuiin ruahmantute thu ngaichang thiam turin a duh tih a sawi a ni.
Hmunphiah hralh mek a nih thu pawh chief minister hian sawiin, empanelled buyer-ten hmunphiah grade ‘A’ duh khawp lei tur an hmuh loh chhan enzui mek a ni a, hmunphiah hralh thei lo an awm a nih chuan sawrkarin March thla chhungin a lei sak vek tur thu a sawi.