Charli XCX-i’n Songwriter of the Year dawng dawn

Charli XCX-i’n Songwriter of the Year dawng dawn
Charli XCX chu BRIT Awards-ah songwriter of the year award lan a ni dawn a, project hrang hranga a lo thawhpui tawh Thin A.G. Cook pawhin producer of the year a dawng dawn bawk e.
BRIT Awards ceremony hi March ni 1 hian O2 Arena, London-ah an sem dawn a, award show hi comedian Jack Whitehall-a’n a host dawn a, award semnaah hian Sabrina Carpenter, Sam Fender, Teddy Swims, Shaboozey te pawh perform tur zingah an tel. He award hi British hoin rimawi khawvela award an ngaihhlut niin, an Grammy an tihsak ve mai Thin a ni.
Charli XCX hi a award dawn tur an puan tawh bakah category dang pangaah nominee a ni a, chung zingah chuan album of the year leh British artist of the year a tel. Songwriter of te year hi Charli XCX tan BRIT Award a dawn vawi khatna a ni a, 2015, 2020, 2023 leh 2024 te khan BRIT Award nomination-ah a lang tawh Thin nain, award a la hum haw lo tlat mai a, kuminah erawh pakhat chu a hum haw ngei dawn tih a chiang ta a ni.